29 سبتمبر 2020
أوعية دموية منتفخة في جسمي وتكبر
من صغري عندي أوعية دموية، دوالي فى ايدي مولوده فيها تحت الباط، بس هي انتشرت فى ايدي، عملت حقن وعملية، ومفيش حاجة بتحصل وبتزيد أكتر وبتنتشر أكتر وبتورم، ومقدرش أكتب كتير، ولا أشيل حاجة تقيلة وكل ما بكبر بتنتشر أكتر، أرجو الرد
أهلاً وسهلاً بيكي يا سهيلة؛
إن شاء الله الموضوع بسيط، وهنقولك دلوقتي على اللي المفروض تعمليه علشان نتجنب المشاكل اللي ممكن تحصل نتيجة المشكلة الموجودة.
إن شاء الله الموضوع بسيط، وهنقولك دلوقتي على اللي المفروض تعمليه علشان نتجنب المشاكل اللي ممكن تحصل نتيجة المشكلة الموجودة.
أولاً عايز أقولك إن احنا بنحتاج في الحالات اللي زي دي إننا نصبر شوية علشان نقدر نوصل لحل كويس ومناسب ويجنبنا من حدوث المضاعفات.
الحاجة اللي عندك لها احتمال من اتنين
الأول إنها تكون دوالي، ودي حاجة نادرة جداً، ولازم يكون في سبب يعمل ضغط على الوريد وبالتالي يسبب الدوالي، دي حاجة نادرة جداً الحقيقة.
بس استناداً إنك قولت إن ده موجود من أثناء الولادة فالاحتمال التاني هو السبب وهو haemangioma، وهو عبارة عن تجمع دموي في مكان غير مكانه، وبنسميه في الطب vascular malformation، وده بيكون عبارة عن تجمع من الأوعية الدموية بشكل غير صحيح بيؤدي لتكوين الـ haemangioma، واللي فعلاً لو فضلت تزيد أو فضل حجمها كبير بعد سن سبع أو تمن سنين أو بعد كده.
العمليات ممكن تكون جراحية، وممكن تكون حقن، وممكن تكون بالليزر طبقاً للحجم والتمدد، واللي للأسف بيكون في نسبة إنها ترجع تاني وبنسبة كبيرة، وبنضطر نعمل حقن مرة تانية، أو ليزر أو عملية، وده اللي للاسف انت مضطرة تعمليه بعد تقييم الطبيب الخاص بيكي.
بس في نصايح مهمة جداً لازم تعمليها، وهي إنك لازم تكون إيدك بعيدة عن إنها تتصاب أو تتجرح، علشان لو حصل فيها قرحة الموضوع بيكون فيه احتمالية نزيف عالية، وبالتالي خطر عليك.
حاولي متناميش على ايدك دي، وحاولي تشربي سوائل كتير على الأقل لترين مياه في اليوم،
ولازم تاخدي بالك لو حصل أي مشاكل في ضربات القلب لازم تروحي لطبيب قلب في أقرب وقت لا قدر الله وحصل.
للأسف احنا محتاجين نعمل التدخل الجراحي تاني، ونحافظ على نفسنا علشان ميبقاش في مضاعفات عليكي.
ألف مليون سلامة عليكي يا سهيلة، وفي انتظار أي استفسار آخر لو في حاجة مش واضحة
اقرأ أيضا:
