أنا في شهر 11 اللي فات عملت تحاليل من ضمنهم تحليل بول ومزرعة بول وطلع مفيش أي حاجة بس كان في نسبة دم في البول، ورحت لدكتور مسالك بولية وعملت أشعة تلفزيونية على الكليتن والمثانة وطلع مفيش حاجة الحمد لله، والدكتور قالي ممكن أملاح بتنزل بتجرح في مجرى البول، ولكن أعدت التحاليل مرتين خلال الشهر اللي فات والشهر ده وطلع في دم بردو، والحقيقة أنا مش عارفة سببه إيه وقلقانة ومش عارفة أعمل إيه تاني. يا رب تفيدوني وتطمنوني، مع العلم ان مفيش ألم في الجناب ولا في ألم أثناء البول ومش باخد أي أدوية، أخدت بس قبل التحليل الأخير ابيماج فوار لمدة 15 يوم دكتور الباطنة كتبهولي عشان نسبة الدم، لكن لما عملت التحاليل لقيت النسبة زايدة أصلا.
الأخت ندى؛ شفاك الله وعافاك من كل سوء، وبعد.. وجود دم ميكروسكوبي بالبول قد ينتج عن أسباب كثيرة، ويجب التأكد من خلو تحليل البول من صديد أو زلال عن طريق إجراء تحليل البول في غير وقت الحيض. وأحسن عينة للتحليل هي عينة من البول صباحا وإرسالها خلال نصف ساعة لمعمل مضبوط ودقيق.
وإذا تم التأكد من وجود دم بالبول يجب عمل أشعة مقطعية على المسالك البولية بدون صبغة، للتأكد من عدم وجود حصوات صغيرة بالكلى قد تسبب وجود دم مجهري بالبول بدون أي مغص كلوي. وإذا خلت الأشعة المقطعية من حصوات أو أي تضخم بالكلى، أنصحك باستشارة استشاري أمراض كلى لإجراء مزيد من الفحوصات.
