السلام عليكم، أنا عندي أخت أصغر مني بحوالي 10 سنوات، بس مبعرفش أتعامل معاها لما بتيجي جنبي بحس بقشعرة في جسمي، وأحاسيس غريبة، ومش بحب إنها تقرب مني خالص، وبكون عنيفة معاها مع إن مفيش حاجه حصلت غير إن زمان لما كانت 4 سنين مثلا كانت بتنام جنبي فبوستها وهي نايمة ومن وقتها وأنا حاسة إني كدا عملت حاجه غلط والموضوع كبر، وبقيت مبحبهاش تتعامل معايا، وخايفه يكون دا حاجه وحشه
يا صديقتي، الكثير من الأطفال يختبرون رغبات جسدية غير مفهومة لهم، وقد يتبعونها في إحدى المرات، فهوني على نفسك ولا تجعلي هذه اللحظة مصدر ذنب تلاحقين به نفسك. ويضخم الأمور ويجعلها حائلا بينك وبين أختك. فاسمحي لنفسك أن تجددي علاقتك بها وأن تكتشفي احتياجكما النفسي لبعضكما البعض، ولكل الذي تستطيعين تقديمه لها كأخت كبيرة من حنان ورعاية.
وأقترح عليك في هذه الأثناء أن تستعيني بمعالج/ة نفسي/ة يساعدك على التعامل مع مشاعرك الداخلية تجاه نفسك وأختك حتى تصلي لعلاقة متوازنة معها. تمنياتي لك براحة البال.
